朱熊联姻？（中）
翌日朝早
Message
TT：大头妹，我车你翻补习社啊，阵间系你屋企楼下等。
心如：好啊～
熊家房间
若水：搞乜啊红杉鱼，一大早对住块镜系度傻笑，训懵咗啊你？
心如：咳...（上扬噶嘴角立即下摆）边有啊二家姐，唔同你讲啦，我赶住翻补习社（拎起手袋走出房门）
熊家饭厅
心如：啊爸、啊叔我走先啦！
树根：啊三妹啊，你唔食早餐啊，我整咗你最中意食噶皮蛋粥啊，仲买咗肠粉啊！
心如：我赶时间啊，唔食啦啊爸！
树根：啊...
（砰～树根未讲完，心如就已经出咗门口）
树仁：三妹今日又会咁赶噶？平时距都系有早冇迟噶喔，同埋补习社边会咁早上堂啊？
树根：系咯！唔食早餐点得啊？
若水：放心啦啊爸！有人会买早餐俾条红杉鱼食噶啦！
（若水边擦hand cream 边从房间行到饭厅）
树根：哈？边个会咁早买早餐俾三妹啊？
若水：咪TT咯！条红杉鱼头先睇完手机就对住块镜傻笑，方唔系TT车距去返工乜？十成十距依家都上咗TT架车，食紧爱心菠萝包啦！
树仁：哇！估唔到TT对三妹咁好，啊哥你依家放心啦！
树根：我几时都话TT系好仔啦，有钱又体贴，三妹同距拍拖一定好幸福啧！
若水：但系啊爸你之前誓死反对...
树仁：啊！啊哥你煮噶皮蛋粥真系零舍好味！
（树仁打断若水，使眼色转移话题）
树根：好食咪食多碗咯，食埋三妹果碗啦！
树仁：好啊！
TT车上
TT：咁快落来，系咪未食早餐啊傻妹？
心如：唔紧要啦，我翻补习社食咪得咯！
TT：呐！（从后座摞咗袋菠萝包，同埋杯咖啡俾坐系副驾驶噶心如）我整噶菠萝包同埋手磨咖啡☕️，试下好唔好味？（笑）
心如：TT Sir整噶，唔洗试都知好味啦！（笑）
TT：傻妹快d食啦，费时饿亲啊～
心如：系呢，仲乜今日特登车我翻补习社啊？有嘢同我讲？
（心如一路食紧菠萝包，一路讲）
TT：嗯，有件事想同你讲（收起笑容，TT将放系杯架噶咖啡递俾心如，心如摆低菠萝包，接过咖啡饮）
心如：乜事啊？你好似好紧张咁噶？
TT：我...我啊爸想请你今晚去我屋企食餐饭。
心如：哈？今晚！咳咳...咳咳咳（吓亲噶心如俾d咖啡choke到）
TT：（一只手放系方向盘，一只手拍心如后背）慢慢饮啦傻妹！要唔要矿泉水啊？
心如：（挥手示意唔洗）冇事冇事。
TT：就系咁噶..寻晚我同你食完宵夜翻到屋企，我啊爸....（将寻晚朱展噶话全数讲俾心如）
心如：咁啊...好啦！今晚上去见世伯啦！
TT：其实你如果未ready噶，我可以同啊爸再讲下噶喔，唔好勉强自己。（担心）
心如：如果我今晚唔去，你听日咪要去见果个周uncle个女咯？
TT：呷醋啊大头妹？（笑）
心如：乜啊，依家你好想见距乜？
TT：唔见，绝对唔见！嬲咗唔靓啊，笑翻啦～
心如：咁世伯中意乜嘢啊，我今晚都要买d手信上去，同埋我着紧哩条裙会唔会唔太casual啊？我大概几点到会好d啊..
TT：唔好咁紧张。（拍下心如膊头）我已经买咗支靓红酒🍷，你今晚摞上去就得，你今日条裙好得体，我女朋友咁靓着乜都好睇啦！到时我会去补习社车你，同你一起上去，放心啦～
心如：咁好啦...我等你电话！（依旧紧张）
TT：到啦！（TT泊好车，见心如低头系度玩手指，侧身抱紧心如，轻轻拍距噶背只）
安慰：傻妹～我知你担心乜嘢，唔紧要噶，我系拆弹专家来噶嘛，我一定拆得掂我啊爸噶，你就当食餐便饭，轻松d～嗯？
心如：（笑）系喔！TT Sir保得住个天灵盖！今晚睇你表演啦！（微微松咗口气）
TT：（放开心如）你紧张到连菠萝包都食得咁少，摞去补习社慢慢食啦！今晚见！
心如：好！咁我上去先啦，你都快d翻律师楼！
律师楼TT Office
TT系车上噶安慰氹到心如，但系呃唔到自己。左霖右霖，距都霖唔到拆弹方法。原本想揾朱展坦白自己噶女朋友系熊心如，但系朱展约咗几位资深大律师食饭，只系留d message提距今晚唔好失约。唯有今晚见招拆招啦，哎！
TT：一系最衰都系果只金城安！
补习社
虽然TT噶安慰令心如松咗啖气，但系心如好清楚，以自己金城安三姨噶身份，朱展一定唔会咁顺摊俾自己同自己个仔拍拖。趁住放lunch，心如系威龙花铺度买咗扎花，希望搏多d好感。
心如：一系最衰都系金城安！
岛大Canteen
废青安：阿嚏！阿嚏！
朱凌凌：安仔，你连打两个喷嚏，作感冒啊？
废青安：nonono！🐷00，你有所不知啦，哩d唔系感冒，系有人挂住我，一定系Bonnie啧！
阿壮：冇傻啦安仔！系有人诅咒紧你就真！
（众人打打闹闹，有讲有笑...）
食紧叉烧饭，饮紧冻柠茶，笑紧噶金城安一定唔会知距噶三姨、三姨丈此刻因为距有几烦，又有几憎距...
评论