系亲情定系交易？
翌日朝早—熊家
心如：啊爸早晨！啊叔早晨！（开心）
树根：早晨啊三妹！快d过来食早餐，有你最中意噶皮蛋粥同肠粉啊，趁热食！
废青安：三姨今日心情好好啵！同寻晚完全系两个人啊！（八卦）
树仁：系咯，乜事咁开心啊？
若水：梗系啦！TT唱歌氹距喔，果条分零钟噶视频红杉鱼寻晚replay咗十几二次，我听到出晒耳油啦！距仲傻傻地、痴痴地笑咗成晚啊！
心如：二家姐！我边有啊！（怕丑）
树仁：哇！估唔到TT霖女有一手喔！有我当年一半功力，唔错唔错！
树根：唱歌啧，距啊爸搞喊三妹啊，由距氹翻应份噶！三妹啊！唔洗唔开心噶，果个朱展再敢闹你，我一定打爆距个天灵盖！
心如：冇事噶啊爸，唔洗担心。
若水：啊爸啊，TT咁夜都专登弹吉他唱歌俾红杉鱼听好难得噶啦！龚烨都未试过唱歌俾我听！真系羡慕死人啦！
废青安：（下次Bonnie生日一于唱歌！）
同日下午—朱三角律师楼
前台：小姐，请问有乜帮到你啊？
尚善：我揾朱展，朱大状。
前台：请问你有冇预约噶？
尚善：冇啵。
前台：唔好意思啊，如果你想揾朱大状consult噶话原则上系要提前一个礼拜book噶，或者小姐留低你个名同埋电话号码，我地尽快帮你预约，有消息会第一时间通知你噶！（诚恳）
尚善：啊...Tracy系咪？（睇咗一眼前台小姐姐胸前噶名牌）你入去同朱大状讲：熊尚善想见距，同距讲如果唔见我距一定会抱憾终身噶！
前台：熊尚善？你系编剧熊尚善？！（惊喜）我一直都有追《曹总传》噶！你可唔可以帮我签个名啊（激动，递上纸同笔）
尚善：帮你签名唔系唔得，但系你...嗯？（望向律师楼内边，示意前台小姐姐传话）
前台：咁...（犹豫）好啦！
尚善笑，接过纸笔，随手签咗个名，前台小姐姐小心地将签名纸摆好，行入朱展Office传话，好快又走翻出来...
前台：熊小姐，朱大状请你入去啊（示意）
尚善沿前台小姐姐指噶方向，行入朱展间房...
朱展Office
朱展：金城安妈咪！乜咁错档上来我office啊，我都想知乜嘢会令我抱憾终生！（敌意）
尚善：朱大状，又唔洗一见面就起晒杠咁，间房唔错啊，果然系资深大状哈。（轻松环顾四周，系沙发度坐地，翘起二郎腿）
朱展：你个宝贝仔上次差d搞到我地律师楼执笠啊！废话少讲！究竟乜事？（不耐烦）
尚善：我知果只金城安系争唔落，但系你寻晚搞喊我个妹哩条数又点算先？（挑衅）
朱展：仲好讲！我地朱家上世系咪欠咗你地熊家啊，害完00又害TT！（激动）
尚善：又唔好害害声咁难听，00读摄影系兴趣，TT同心如拍拖系爱情，我地熊家帮你两个仔揾到事业同爱情，你应该多谢我地先岩！
朱展：你都打横来讲噶！总之，我唔会同意TT同你个妹拍拖，你最后劝你个妹早d斩揽！想同我对亲家？想错你地个心啊！
尚善：如果我冇记错噶话，上一年全港星级律师楼评选，朱三角净系摞到第二啧系咪？真系可惜咯，争小小就可以得到特首颁奖（摇头）
朱展：第二又点啊！今年我地一定摞到第一！
尚善：系啊？咁有信心赢到长三角律师楼？
朱展：赢唔赢到关你乜事啊！
尚善：冇，我系想提下朱大状，其实朱三角同长三角旧年系业内认可度投票噶票数差唔多，朱三角系输系民众支持度方面啧！
朱展：长三角只系做得广告多啧，论实力边有得同我地朱三角斗啊！（不服气）
尚善：提升知名度又唔使周围派广告咁cheap，我有更好噶办法，系唔知朱大状有冇兴趣啧？
朱展：哦？讲来听下？
尚善：最近《曹总传》hit爆全城，来近会写到曹总系香港间分公司陷入官非，帮曹总打官司间律师楼噶名我仲霖好...咁...
朱展：你系想用《曹总传》帮我地间律师楼造势，条件系我同意TT同你个妹拍拖？
尚善：果然系大状，一点就明！
朱展：点解我一定要同你合作啊？咁做即系卖仔求荣啦！我系唔会用TT噶幸福换虚名噶！
尚善：朱00讲得冇错啵，你真系盲塞喔！唔同我合作噶，我咪落长三角律师楼个名咯，同曹总打对家作假证噶律师楼就一于叫朱三角！
朱展：你依家威胁我啊！你够胆敢写，我都可以告你损害名誉噶！
尚善：告咪告咯，俾你赢咗最多咪赔翻一两百万。单官司最少拖个一年半载，到时朱三角冇话摞星级律师楼，分分钟d client都走晒啊！你知啦，哩行好讲名声噶嘛！
朱展：你！（怒）
尚善：我地合作根本就系三赢，朱三角摞到星，我个妹开心，你个仔又会多谢你哩个啊爸，做翻孝顺仔，唔好乜？
朱展：我都话我唔会卖仔求荣咯！
尚善：边度系卖啊！哩场系台底交易定系亲情妥协取决于你点睇啧！我个妹系博士，衬得起你个仔有余啦！同埋你个仔真系中意我个妹噶，点算系牺牲距噶幸福啊！
朱展：一个金城安已经搞到我鸡毛鸭血，仲要来多个熊心如？
尚善：我个妹点同金城安啊，叫你同意距地拍拖啧，又唔系结婚，后生仔噶嘢好难讲噶嘛，同埋以后咪多个人劝朱00转科咯！哩条数我霖朱大状识计噶！
朱展：（都系噶，TT不嬲都系只冇脚噶雀仔，断估唔会咁快结婚，话唔埋好快散，冇必要同距翻面，都系做翻个慈父好d）
朱展：好！我就即管睇下距地好得几耐，希望熊编剧都遵守约定！如果年尾我地朱三角摞唔到星，到时我一定要距地分手！
尚善：放心啦！
哩场系黑暗交易定系亲情妥协？对于尚善，如果唔系亲情距唔会上律师楼同朱展讲数，唇枪舌剑，威逼利诱，方法可能不轨，但系动机系绝对纯真。人系最复杂噶，好难去窥探真心。对于朱展，我仍相信系果一刻距系真心想做翻个慈父，修补父子关系，毕竟提高声誉有诸多途径。只可以讲，亲情作为底牌为所有人争取咗最大噶利益。
评论